चंद्रपूर : शहरातील मध्यवर्ती भागातील छोटा बाजार चौकातील युनियन बँकेच्या कार्यालयात काल मंगळवारला रात्री आग लागली. रात्री ११ वाजताच्या सुमाराला घडलेल्या या घटनेने एकच खळबळ उडाली.
आगीची माहिती होताच परिसरातील नागरिक मोठ्या संख्येत बँकेच्या समोर गोळा झाले. यावेळी प्रशासनाच्या सामाजिक अंतराचे आदेशही पायदळी तुडविण्यात आले.घटनेची माहिती होताचा बँकेचे अधिकारी पोहचले. आत मोठ्या प्रमाणात रोकड होती.
त्यामुळे ती जळण्याची भिती निर्माण झाली. दरम्यान अग्निशमन दल आणि पोलिस पोहचले. एका तासाच्या शर्थीच्या प्रयत्नानंतर आग आटोक्यात आली. बँकेला लागूनच दाटीवाटीने निवासी वस्ती आहे. आग वेळीच आटोक्यात आली तर मोठा अनर्थ झाला असता. आग नेमकी कशामुळे लागली, याच कारणांचा शोध घेतला जाणार आहे. जवळपास दहा लाख रूपयांचे नुकसान झाले, अशी माहिती उपविभागीय पोलिस अधिकारी शीलवंत नांदेडकर यांनी दिली.
More Stories
सरपंच पदाचे आरक्षण 29 व 30 जानेवारीला
राज्‍यातल्‍या हुतात्‍मा स्‍मारकांच्‍या दुरुस्‍ती व नूतनीकरणाच्‍या प्रक्रियेत योगदान देवु शकल्‍याचा मनापासुन आनंद – आ. सुधीर मुनगंटीवार
घुग्‍गुस वासियांच्‍या मनातील प्रेमाचे स्‍थान आमच्‍यासाठी महत्‍वाचे – आ. सुधीर मुनगंटीवार