जिल्ह्यातील सर्वसामान्य जनतेचे, शेतकऱ्यांचे, कृषीपंपांचे लाॅकडाऊन काळातील वीजबिल माफ करण्यात यावे :- राजु झोडे

जिल्हाधिकारी यांचेमार्फत मा.मुख्यमंत्री व मा.ऊर्जामंत्री यांना निवेदन देऊन केली मागणी

संपूर्ण महाराष्ट्रात कोरोना चे मोठे थैमान माजलेले असून सर्वसामान्य जनतेचे, छोट्या मोठ्या व्यापाऱ्यांचे, शेतकऱ्यांचे, कामगार व मजुरांचे मोठ्या प्रमाणात आर्थिक हाल होताना दिसत आहे. सर्वांचे छोटे-मोठे उद्योग काम-धंदे बंद पडलेले आहेत. मार्च महिन्यापासूनच लाॅकडाऊन असल्याने कोणताही रोजगार नसल्यामुळे मोठ्या प्रमाणात आर्थिक चणचण निर्माण झालेली आहे. अशा आर्थिक विवंचनेत सापडलेल्या चंद्रपूर जिल्ह्यातील सर्वसामान्य जनतेला व शेतकऱ्यांना वीज बिल भरायला सुद्धा पैसे नाही आहेत. त्यामुळे शासनाने या गंभीर बाबीकडे लक्ष देऊन जिल्ह्यातील लाकडावून काळातील घरगुती विज बिल तसेच शेतकरी व कृषी पंपाचे विजबिल माफ करावे. कोरोनाच्या महाभयंकर संकटकाळात शासनाने शेतकरी व सर्वसामान्य जनतेचे वीजबिल माफ करून सहकार्य करावे.अशी मागणी उलगुलान संघटनेचे अध्यक्ष राजू झोडे* यांनी जिल्हाधिकारी चंद्रपूर यांचेमार्फत मा.मुख्यमंत्री व मा.ऊर्जामंत्री, महाराष्ट्र शासन यांच्याकडे निवेदनाच्या मार्फत केलेली आहे.

Maharashtra Metro

See author's posts