
देशात लॉकडाऊन केलं असतांना जीवनावश्यक वस्तूंची दुकाने वगळता इतर सर्व दुकाने बंद करण्यात आलं आहे. याच धर्तीवर नागपुरातील मेयो रुग्णालयासमोरच्या कांचन मेडिकलमध्ये नियमबाह्य पद्धतीने बियर आणि इतर मद्यविक्री सुरू असल्याची धक्कादायकबाब उघडकीस झालं आहे. गणेशपेठ पोलिसांच्या छाप्यात मिनरल वॉटरच्या बॉक्सेसमध्ये बियरची विक्री सुरू असल्याचं उघड झालं. पोलिसांनी या मेडिकलमध्ये धाड टाकली असता ९० बॉटल जप्त करण्यात आल्या आहेत. या मेडिकल स्टोअरचा संचालक निशांत गुप्ता याला अटक करण्यात
आली आहे. निशांत गुप्ता याचा नातेवाईक बियर बार चालवतो. इथलीच बियर या मेडिकल स्टोअरमध्ये विकली जात होती. अजूनही कुठे असे प्रकार सुरू आहेत का? याचा तपास पोलीस करत आहेत. मेडिकल स्टोअरमध्ये दुपट्ट किमतीला ही बियर विकली जात होती. दुकानात ८ बॉक्समध्ये भरलेल्या ९० बॉटल सापडल्या, याची एकूण किंमत १५ हजारच्या आसपास आहे अशी माहिती पोलिसांनी दिली आहे. कोरोना व्हायरसचा वाढता प्रादुर्भाव पाहता देशातला लॉकडाऊन ३ मेपर्यंत वाढवण्यात आला आहे. लॉकडाऊनच्या या काळामध्ये फक्त अत्यावश्यक सेवाच सुरू आहेत.
More Stories
1 फेब्रुवारीपासून दुचाकीवर हेल्मेटचा वापर अनिवार्य शासकीय कर्मचाऱ्यांसाठी जिल्हाधिकरी अजय गुल्हाने यांचे आदेश
सरपंच पदाचे आरक्षण 29 व 30 जानेवारीला
राज्यातल्या हुतात्मा स्मारकांच्या दुरुस्ती व नूतनीकरणाच्या प्रक्रियेत योगदान देवु शकल्याचा मनापासुन आनंद – आ. सुधीर मुनगंटीवार