April 15, 2021

Maharashtra Metro

online news portal

भद्रावती पोलिस स्टेशन अंतर्गत गुळाच्या दारू भट्टीवर मोठी कारवाई !

कोरोनाच्या पार्श्वभूमीवर देशासह चंद्रपूर जिल्ह्यात सुद्धा लॉक डाऊन असल्याने देशी विदेशी दारूची आयात कुठल्याही शहरात होतं नसल्याने मैद्यप्रेमींसाठी मौवा दारू किंवा गुळापासून हातभट्टीवर बनवलेली दारू आता पर्वणी ठरत आहे. त्यामुळे मोठ्या प्रमाणांत जिल्ह्यात मौवा आणि गुळाची दारू तय्यार करण्याची मोहीम जोरात असतांनाच नुकत्याच रामनगर पोलिस स्टेशन अंतर्गत लौहारा, घंटाचौकी आणि चीचपल्ली येथे लाखों रुपयाची मौवा दारू दोन दिवसांपूर्वी पोलिसांनी पकडली असतांनाच आता भद्रावती पोलिसांनी सुद्धा बरान्ज तांडा येथील झुडपी जंगलाचा आधार घेत गुळापासून दारू मोठ्या प्रमाणात तयार करीत असल्याच्या पोलिस खबरीच्या माहितीच्या आधारे धाड टाकली असता २६ मोठे प्लास्टिकच्या ड्रममधे गावठी दारू बनविण्याचे जुगाड सुरू होते. ते पोलिसांनी रंगेहाथ पकडले.ही कारवाई दिनांक ०७/०४/२०
रोजी १८:१० वाजता पो स्टे परिसरात पेट्रोलिंग करीत असतांना मुखबिर कडून खबर मिळाली की काही इसम हे बरांज तांडा ते बोनथळा रोडचे बाजूला असलेल्या वीटभट्टी चे मागे झुडपी जंगलात भट्टी लावून गुळ दारू गाळीत आहेत तसेच त्याठिकाणी गुळ सडव्याचे ड्रम जमिनीत गाडून ठेवले आहेत.
सदरची माहिती मिळताच पोलीस निरीक्षक पवार, यांच्या मार्गदर्शनाखाली पो उ नि तुळजेवार, ठाकूर, पो ह ७१०, ना पो शि १४१९ पो शि १०४०,२८१४,१४४६ यांनी सदर ठिकाणी धाड मारली असता त्याठिकाणी २६ मोठे प्लास्टिक चे ड्रम मिळून आले.प्रत्येक ड्रम मध्ये २०० लिटर गुळ सडवा असा एकूण ५२०० लिटर गुळ सडवा किंमत २००/-रुपये प्रतिलिटर प्रमाणे १०,४०,०००/-रुपये व २६ प्लास्टिक चे ड्रम किंमत प्रत्येकी १०००/-रुपये असे एकूण २६,०००/- रुपये चा मुद्देमाल एकूण किंमत १०,६६,०००/-रुपये मिळून आला.
दोन पंचा समक्ष सविस्तर पंचनामा करण्यात आला व १०० मि लि गुळ सडवा सील करीत मुकरर केले व उर्वरित गुळ सडवा व प्लॅस्टिक ड्रम मोक्यावर पंचा समक्ष नाश करण्यात आले.
सदर बाबत भद्रावती पोलीस ठाणे येथे अज्ञात आरोपी चे विरोधात अप क्र १६४/२० कलम ६५(फ) म दा का अन्वये गुन्हा नोंद करण्यात आला असून पोलिस आरोपींचा शोध घेत आहे.ंं

Advertisements
error: Content is protected !!